(CuraçaoChronicle) – Un vuelo di Amsterdam pa Corsou e fin di siman aki, a ser marca pa inkietud di pasaheronan Curasoleño. Tensionnan a escala na un punto unda algun pasahero tabatin mester di asistencia medico, causando cu e polis militar y polis local lo maneha e situacion na momento cu yega Hato Airport.
E prome incidente a tuma luga ora cu un homber di Corsou a purba di bay baño. El a purba pasa banda di un pasahero Hulandes ken deliberadamente a keda cu su pia na halto pa blokia su acceso na sali for di su stoel.
Esaki a causa un confrontacion, durante cual e homber Curasoleño a dal e pasahero un mokete den su cara. E ekipo mester a interveni pa preveni cu e situacion lo sigui escala.
Poco despues, otro pelea a surgi ora cu un pasahero diferente di Corsou, visiblemente bao influencia di alcohol, a acusa un muhe sinta banda di dje di a horta su telefon. E situacion a escala rapidamente cual a resulta den intercambio di menasa.
E muhe a nenga e acusacion y a urgi e homber pa comporta. Na final, a descubri cu e telefon tabata den medio di e stoelnan, cual a aumenta e tension cu e situacion y a causa cu a pericibi e situacion como un conspiracion.
Calma no a bolbe back, mirando cu un tercer pasahero di Corsou, tambe entoxica, a causa problema ora cu e no por a paga pa e bebida cu el a consumi. Un discusion a surgi entre e empleadonan sinembargo e pasahero na final a resolve e situacion pa medio di paga via un aplicacion riba su telefon.
Na momento cu a aterisa na Corsou, ambos polis militar y polis local tabata wardando na e porta di e avion pa detene e pasaheronan involucra y tuma accion. E vuelo turbulento a conclui cu un serie di detencion y investigacion tocante e mal conducta abordo.
