E departamento encarga cu transporte di Merca a emiti un comunicado unda ta declara cu tur vuelo entre Merca y Venezuela ta keda prohibi. Nan ta argumenta cu esaki tin di haber cu e crisis cu Venezuela ta pasando aden.
Despues di a manda un carta pa e Departamento di Seguridad Nacional, sosten a ser duna na e peticion aki di e Departamento di Transporte Mericano. Di parti di Venezuela, te na e momento aki no tin ningun reaccion.
Segun oficialnan di Merca, e situacion di Venezuela ta un menasa pa e biaheronan, pa cual motibo nan ta pone e prohibicion. Segun analistanan internacional, esaki ta un manera di Merca pa demostra su sosten na Juan Guaido, aumentando e presion riba Nicolas Maduro.
Potret uza ta uno ilustrativo. E compania menciona riba potret no ta directamente envolvi cu e noticia aki.
