(NLTimes) – E votadonan di PVV ta kere cu e coalicion su plan di “politica di asilo mas estricto cu a yega di tin” no ta bay suficientemente leu, segun EenVandaag su encuesta di 18,000 persona cu a vota pa un di e 4 partidonan di e coalicion. E municipalidadnan ta hopi preocupa cu e partidonan su plan di retira e ley di distribucion di asilo.
Personanan cu a vota pa PVV ta contento cu e coalicion nobo lo tuma hopi accion contra inmigracion, sinembargo tabatin spera mas segun resultado di EenVandaag. 64 porciento di e votadonan ta desapunta cu e coalicion nobo no lo ignora inmediatamente e reglanan di asilo Europeo, pero warda pa Brussels duna Hulanda un excepcion. 68 porciento ta kere cue decision di no procesa solicitacion di asilo pa 2 aña tampoco no ta suficiente.
“Mi tabatin speransa cu e lo inmediatamente para e tratadonan aki,” un votado a bisa. “Hulanda mester ta tocante Hulanda atrobe. No dictadura di Brussels.”
Municipalidadnan Hulandes ta preocupa pa e coalicion nobo su plan di retira e ley di distribucion di asilo, cual a duna e gobierno e opcion di obliga municipalidadnan acepta solicitantenan di asilo. Actualmente, e peso mas grandi di e recepcion di asilo ta cay riba varios municipalidad haciendo hopi trabao mientras otronan no ta haci nada.
VNG ta “negativo” tocante e decision di retira e ley, director Leonard Geluk a conta ANP. E ta e municipalidadnan cu mester lidia cu e consecuencianan di e decision aki, el a expresa. Segun su persona, e efecto di e politica lo ta cu hendenan na Hulanda no lo tin unda pa bay. “Esaki ta sumamente preocupante.”
G40, e red di 41 ciudad mediano na Hulanda, tambe ta preocupa. “Como ciudad, nos a lobby pa e ley di distribucion. Di e manera aki, nos ta crea solidaridad den e recepcion di solicitantenan di asilo. Pa e motibo aki, nos ta desapunta cu e meta ta di kita e ley aki.” Sinembargo te ora cu kita e ley, e ta un ley ainda “y mientras nos tin e ley aki nos mester implement’e y cumpli cune.”
Segun e encuesta di EenVandaag, votadonan di e coalicion nobo su partidonan ta generalmente contento cu nan a yega un acuerdo pero sostenedonan di tur 4 partido tambe tin preocupacionnan.
Un tercer parti di e votadonan di VVD ta kere cu corta na mita e deducibel di cuido di salud ta bay demasiado leu y tin preocupacion tocante con lo paga pa e medida aki. 38 porciento di votadonan di BBB no ta contento cu e coalicion a mantene e metanan di clima pa 2030 y 2050. Tambe 41 porciento di votadonan di NSC ta contra e plan di aumenta e limite di velocidad riba caretera back na 130 kilometer pa ora.
Preocupacionnan tocante e plan di corta den cuido di termino largo, cu tin e intencion di ta pa personanan di edad mayor vulnerabel, personana cu incapacidad y personanan cu malesanan mental, ta comparti den votadornan di tur partido. Un gran mayoria di votadornan di VVD (57 porciento) y NSC (58 porciento) ta kere cu e medida ta bay muchu leu y gruponan grandi di PVV y BBB su votadornan ta di acuerdo.
