Voogdijraad di Corsou ta aclara su forma di traha esaki en conexion cu publicacionnan den media

Departamento di Voogdijraad a tuma nota di publicacionnan cu a bini dilanti den prensa y riba media social den cual un grupo di tata anonimo ta duna keho riba e forma di funciona di e organisacion di voogdijraad ta traha . Nan ta aleclaria cu nan bos no ta wordo skuchá. Bureau Voogdrijaad ta lamenta esaki paso esaki ta crea un impresion negativo y incorecto. E organisacion no por duna informacion tocante casonan individual pa proteccion di privacidad di e cliente.

Pa aclara esaki Bureau Voogdijraad ta duna informacion tocante su proceduranan o sea su manera di traha. Bureau Voogdijraad ta un organisacion cu ta resorta bou di Ministerio di Husticia di Corsou. Cerca Bureau Voogdijraad e bienestar di e menor ta central. Bureau Voogdijraad ta e unico organisacion cu conforme ley, Codigo Civil buki 1 articulo 238-243, tin e tarea pa sali na bienestar di tur menor entre 0 pa 18 aña. E edad aki ta cu excepcion di e hobennan cu e organisacion ta intermedia p’e pa alimentacion. E organisacion por intermedia den e caso aki te cu ora e hoben tin 25 aña di edad y ta siguiendo un estudio.

E esencia di Bureau Voogdijraad ta pa haci investigacion y conseha. For di 2016 Bureau Voogdijraad a haci un cambio den su procedura di traha caminda, entre otro, ta debolbi tur tata den tur investigashon, te asina leu cu tin acceso na e tata. Tambe Bureau Voogdijraad ta traha transparente y ta comparti cu cada cliente kico e por spera. Ta trata cada caso riba su mes y ta haci un investigacion independiente y profesional.

Bureau Voogdijraad ta investiga den principio hunto cu e menor, su mayornan (mama y tata) y ambiente social kico ta necesario pa e menor crece y desaroya den un ambiente sano. Si ta necesario e organisacion ta pidi hues pa interveni. E intervenshon semper ta bay tocante medidanan di gran impacto riba e menor y su famia, cu ta proteha mesora of invadi e derechonan basico di un famia/bida priva. E interes di e menor ta semper central y bienestar di e menor ta e prome consideracion den caso di un posibel intervencion.

Den practica Bureau Voogdijraad ta wordo acerca pa medio di diferente profesional cu ta sali dilanti pa nan cliente, pero e organisacion tin cu bolbe enfatisa cu cerca nan durante e investigacion ta e bienestar di e mucha ta central. Bureau Voogdijraad ta neutral durante e investigacion y den e conseho na corte. Apesar di esaki chens ta grandi cu un partido lo ta mal contento. For di ora e caso yega cerca Bureau Voogdijraad, en general ta paso tin un situacion cu partidonan no ta di acuerdo cu otro.

Bureau Voogdijraad semper ta para habri pa contesta preguntanan di casonan individual na esunnan concerni y /of duna informacion tocante nan procedura (manera di traha). Pa mas informacion por tuma contacto ku Bureau Voogdijraad via di nan: