Scol ta cuminsa awe prome di september oficialmente pa mayoria scol. Vocero di Departamento di Asuntonan Social (DAS) ta duna di conoce cu manera aña pasa e aña aki atrobe apertura di scol a keda cambia y hala mas leu debi di e situacion di COVID. Sinembargo mirando e cambio aki departamento di DAS mester a haci cierto ahustacionnan pa loke ta trata e ayudo financiero cu tur aña ta keda duna na famianan di personanan cu nan yiu ta entre 3 cu 24 aña cu ta bay un scol regular durante dia.
Segun Vocero di DAS aña pasa e tabata mes un cos y e aña aki atrobe e pago normalmente tur aña ta sosode di e ayudo extra den luna di september. Si tur cos tabata cana normal diasabra awo DAS lo mester a duna e ayudo extra, pero door di e fecha di apertura di e scol cu a hala lo paga e placa extra aki dia 9 di october , esaki lamentablemente tin un consecuencia cu ne.
Segun vocero di DAS den luna di augustus na momento cu e pago di augustus tuma luga e sistema di bijstand automaticamente ta saca tur persona cu ta haya e 250 florin pa luna door cu e ta bay scol y cu e por comproba esaki na e comienso di aña escolar anterior unda cu e alumno ta haya e 250 extra. Tur pago di augustus asina cu e tuma luga e persona ta wordo saca door di e sistema di DAS.
Mirando esaki e intencion ta cu den luna di augustus e cliente y e famia mester yega na Departamento di Asuntonan Social cu e comprobante cu e ta busca na su scol y di e manera aki e persona ta keda hinca bek den e sistema di DAS pa e por ricibi e cobransa di september.
Segun vocero di DAS debi cu e pago ta bay tuma luga e aña aki den luna di october , esey kiermen cu tur famia cu ta ricibi e 250 florin den luna di september no lo haya esaki. Sinembargo e proceso aki ta mara den ley y e no ta un situacion cu ta DAS ta scoge pa haci esaki pa no duna e famia e 250 , pero e ta hancra den ley cu pa bo haya e pago bo mester trece e comprobante pa e departamento cu ta trata e parti aki pa asina por hinca e nomber di e mucha bek den sistema. Na october na momento cu e pago keda cla bek e ta pasa sin forsa retroactivo, esey kiermen cu e no ta bin cu terugwerkendekracht. E pago di september lo no haye mas pero e lo keda ahusta bek den luna di october y banda di esaki ta
