Awor cu e malesa nobo Zika, cu tambe ta keda transmiti door di un sangura a cuminsa drenta pais Venezuela cu ta hopi cerca di nos pa cual tin su peliger cun’e segun dokter Wilmer Salazar di Departamento di Salubridad Publico a bisa fuente Masnoticia. E virus tin sintoma casi mescos cu Dengue of Chikunguya. E ta menos severo, pero consecuencia ta cu ta investigando e posibilidad pa relaciona cu e virus di Zika por crea un daño na e baby ora cu e ta den barica of ora e nace e lo por crea consecuencia p’e.
Asina ta cu Zika cu a wordo descubri na Africa hopi tempo caba y despues tabata tin casonan cu problemanan neurologico den hende cu tabata na estado, ora cu e mucha a nace, cu ta haya problemanan den e sistema nervioso y despues a wordo reporta na Brasil, Mexico, Nicaragua, Guatemala, despues recientemente Colombia, Venezuela y Surinam, caminda nos mester ta hopi alerta cu esey, mas tanto hendenan cu ta na estado den e prome of di dos simester di gestacion. Departamento di Salubridad Publico a tuma contacto cu ATA, AHATA, Serlimar, Polis di Bario entre otro pa ta riba un alerta y cuminsa monitor e situacion.
