Durante e prome cuater luna di 2019, e crimen a crece na 16 estado. E inicio di e presidencia di Andrés Manuel López Obrador ta registra 43% mas homicidio cu di su antecesor, Enrique Peña Nieto.
Mexico a registra 2.716 asesinato na e luna di april, un cifra mas abou compara cu april di 2018. Pero entre januari y april, e Secretariado ehecutivo di Sistema nacional di Siguridad publico ta reporta 11.221 homicidio acumula, un cifra cu ta 6,7% mayor di loke ta trata e mesun estadistica di aña pasa, ora a ser registra 10.512 asesinato.
E mandatario a reconoce cu durante e prome tres seis luna di su gbierno, e problema di violencia y insiguridad na Mexico no por ta resolvi, pero el a afirma cu na mediano plaso lo logra reduci e cifra delictivo, como tambe a considera loke a pasa cu e hortamento di combustibel.
Pa reduci e indice di violencia y insiguridad, e presidente di Mexico a pone na operacion un Guardia nacional polemico, integra pa polisnan y militarnan.
E cifra di homicidio doloso cu a sosode na luna di april 2019 ta menos cu loke ta trata pa e 2.762 caso di e mesun luna na aña 2018, registrando un cifra di 90,5 homicidio pa dia, 3,8 pa cada ora di acuerdo cu e estadistica.
E estadonan cu mayor cifra di asesinato durante e di cuater luna di e aña ta Guanajuato cu 290 caso; Estado di Mexico cu 256, Jalisco cu 220, Baja California cu 211 y Chihuahua cu 2017 asesinato.
Na 2018, e cifra di asesinato a cera na 33.369 loke ta como e aña mas violento desde 1997.
