(AP) – E violacion di data luna pasa cu MGM Resorts ta yama un atake cibernetico (cyberattack), ta premira cu e lo costa e gigante di casino mas di $100 miyon, e compania basa na Las Vegas a bisa den un documento riba diabierna.
E incidente, cu a wordo detecta ariba 10 di september, a resulta den MGM cerando algun sistema di computer di e casino y hotel na propiedadnan rond henter Merca, cu e meta pa proteha informacion
MGM a bisa ku reservacionnan y pisonan di casino na Las Vegas y otro estadonan a wordo afecta- clientenan a comparti nan storia riba rednan social tocante nan no por a haci transaccion di credit card, saca placa for di ATM of drenta nan camber di hotel. E compania a anuncia e fin di nan blackout di computer di 10 dia rriba 20 di september.
E incidente tin tur e señalnan di un atake di ransomware extorcionador, cual MGM no a confirma. Si ta asina, esaki por ta e atake di ransomware mas costoso registra, segun Brett Callow di e firma di cybersecurity Emsisoft. Na 2019, e productor di aluminiun di Noruega, Norsk Hydro, a sufri perdidanan di $70 miyon despues di no paga e criminalnan di ransomware.
“Pesey mientras cu nos a experiencia interupcion na algun di nos propiedadnan, operacionnan na nos propiedadnan afecta a bira normal atrobe, y e gran mayoria di nos sistemanan a wordo restaura,” CEO di MGM, Bill Hornbuckle, a bisa den un carta na clientenan ariba diabierna. “Tambe nos ta kere cu e atake aki ta keda conteni.”
Hornbuckle a agrega cu ningun number di cunta di banco di ninugn cliente a keda comprometi ni informacion di kaarchi di banco den e incidente. Pero e hackernan a horta otro informacion personal – manera nomber, informacion di contacto, number di rijbewijs, number di Seguro Social y number di pasapoort cu ta pertenece na algun cliente cu a haci negoshi cu MGM prome cu maart di 2019, el a bisa.
MGM no tin evidencia cu e hacker- y criminalnan a usa e informacion aki pa comete fraude di cuento of robo di identidad, Hornbuckel a bisa, notando cu e compania lo tuma contacto tambe cu e consumideronan impakta via email y ofrese servicio gratis di proteccion di identidad y monitorei dui credito “Nos ta lamenta e resultadonan aki y nos ta pidi disculpa di curason na esnan impacta,” el a agrega.
Además di e perdida calcula di $100 miyon riba ganashi di propiedad ahusta prome cu interes, belasting y huur, etre otro, pa nan resortnan na Las Vegas Strip y otro operacionnan regional, MGM ta spera cu e gastonan total lo ta menos cu $10 miyon cubriendo e gastonan un biaha manera gasto legal y consulta tecnologico.
MGM no tabata e unico gigante di casino cu a wordo ataka pa hackernan luna pasa. Caesars Entertainment a divulga un atake cybernetico ariba 7 di september. E compania basa na Reno a bisa cu nan operacionnan di casino y online no a sufri interupcion.
A reporta cu Caesars a paga $15 miyon di un peticion di $30 miyon di rescato di un grupo yama Scattered Spider pa un promesa pa proteha e informacion. Segun un reportahe di diabierna di The Wall Street Journal, cu a referi na un persona cu no a desea di revela su nomber pero cu ta familiar cu e situacion, MGM a rechaza di paga e peticion di rescate di e hackernan den september.
