Bo celular por bisa hopi di bo: unda bo a bay, unda bo cas ta y unda bo ta traha, y unda bo luganan faborito ta. Agentenan federal ta sacando bentaha di datonan di ubicacion saca for di anunciantenan mediante appnan aparentemente inocente cu bo ta download pa update di clima of prijs barata di gasolin, y awo un vigilante di gobierno ta investigando e programa di vigilancia.

Den un carta fecha 25 di november, inspector general di Departamento di Seguridad Nacional, Joseph Cuffari a bisa cu su oficina lo tene un auditoria di e uso di US Customs and Border Protections di basenan di dato comercial pa track hende mediante ubicacion di nan celular. CBP ta un brasa di Seguridad Nacional (DHS).

Na 2018, Corte Supremo a duna veredicto cu agentenan di cumplimento di ley mester obtene un orden di hues pa track hende mediante nan ubicacion di celular, pero agencianan ta evadiendo e rekisito door di simplemente cumpra e datonan for di negoshinan cu ta mantene basenan di dato comercial.

“E obhetivo di nos auditoria ta pa determina si Departamento di Seguridad Nacional (DHS) y su componentenan a desaroya, actualisa y mantene na su politicanan relaciona cu aparatonan di vigilancia di celular”, Cuffari a bisa den e carta.

Appnan ta pidi bo permiso pa nan colecta data di ubicacion for di bo aparato pa asina nan por ofrece e servicionan desea – manera ora un app di clima mester sa unda bo ta pa asina por bisa si ta bay yobe na bo area. Pero unabes e appnan ta colecta e data, nan tambe por pasa esaki na traficadornan di data, kende ta provee esaki na avisantenan pa avisonan enfoca. A menos cu bo ta reset e permisonan di bo appnan of aparato su ID tur dia, e tracking por duna un historia largo di bo bida.

The Wall Street Journal, cu a reporta e investigacion interno di DHS pa prome biaha diaranson, a revela na februari cu CBP tabata usa data di ubicacion di celular pa cumplimento di inmigracion. E datonan tabata bin di un compania yama Venntel, cu ta colecta informacion riba miyones di aparato mediante appnan di wega of di clima.

Na november, Motherboard tambe a reporta cu ehercito Mericano a cumpra data di ubicacion colecta for di appnan manera Muslim Pro, cu ta rekeri data di ubicacion pasobra e ta bisa usuarionan ki banda pa mira pa asina por resa den direccion di Mecca.

E investigacion di DHS ta bin despues di peticionnan di un grupo di democrata den Senado na october, notando cu e agencia a gasta mey miyon dollar pa haya acceso na data di Venntel.

“CBP no ta riba ley, y a nenga di contesta pregunta tocante compra di historia di ubicacion mobil di hende sin un orden di hues – incluyendo di traficadornan no confiabel manera Venntel”, segun Senador Elizabeth Warren, un democrata di Massachusetts, a bisa den un declaracion. “Mi ta contento cu Inspector General a bay di acuerdo cu nos peticion pa investiga e abuso di poder potencialmente inconstitucional aki di CBP, pasobra nos mester protege e derechonan di publico di e Cuarta Amienda pa ta liber di buskeda sin orden hudicial.”Bottom of Form

E inve

Agencianan manera Internal Revenue Service tambe a usa Venntel pa track hende. IRS tambe ta habriendo su propio investigacion riba con ta usa data di ubicacion di hende sin un orden di hues.

Venntel no a responde na un peticion pa comentario.

Tambe diaranson, American Civil Liberties Union a anuncia cu ta demandando e DHS pa entrega tur documento relaciona cu e compra y uso di datonan di ubicacion di celular na man di e agencia.

“Si agencianan federal ta track ciudadanonan Mericano sin orden hudicial, e publico merece respuestanan y responsabilidad”, senador Ron Wyden, un democrata di Oregon, a bisa. “Ami no lo acepta nada menos cu un investigacion amplio y rapido di Inspector General cu ta pone un luz riba e programa di vigilancia di datonan di ubicacion di celular di CBP.”