Vice Presidente di Republica di Colombia Germán Vargas Lleras, a pone prome piedra pa e construccion di 204 cas gratis, na municipio di Tibu di Colombia. Lleras a pidi tur alcalde y gobernador di noord di Santander pa no laga hende Venezolano haya beneficio den programa social di gobierno nacional Colombiano. Gobernador Lleras a bisa alcalde di Tibu, Alberto Escalante cu e programa di cas gratis ta pa poblacion desplasa (esun cu a huy di su cas pa scapa di violencia), mama cu ta cabes di famia y no ta pa Venezolano.
E casnan aki ta pa poblacion cu a wordo desplasa y cu ta biba na Tibu, no laga bin “venecos” (Venezolano cu ta biba na Colombia)… e beneficio no ta pa venecos, vice presidente a bisa.
“Colombia no tin ni un solo luga a cu persona cu no ta Colombiano por haya beneficio di programa social di Colombia.” Lleras a informa cu e blokeo na frontera di San Antonio – Venezuela y Norte di Santander – Colombia, mester cuminsa cu un economia independiente di Venezuela, y asina poblacion di Norte di Santander integra den economia di Colombia. E situacion ta posibel danki na modernisacion di tur caminda di departamento di Norte di Santander.
