Gobierno y e compania Zissu Properties (boutique hotel Ocean Z) a perde caso contra di Preserva Malmok. Segun hues gobierno a wordo prohibi di haci cambio na e permiso cu Zissu Properties tin pa bin cu un hotel enbes di residencia. Sinembargo ta conoci cu ja gobierno a haci e cambio aki 5 di januari cu a pasa, violando un vonnis di december. Awo hues a mara e prohibicion aki na un suma di 25000 florin pa dia, den caso cu no tene nan mes na dje te na un maximo di 10 miyon florin. E mesun suma ta conta pa Zissu tambe den caso cu nan haci uzo di e propiedad den cualkier otro forma cu nan no tin permiso pe. Pues aworaki nan mester para tur trabou sino nan mester paga multa.
