(LaPatilla) – Autoridadnan di Venezuela y di e islanan di Caribe di e Reino Hulandes a celebra un reunion tecnico pa concretisa detayenan tocante e reapertura di e frontera maritimo comun, cu lo wordo realisa dia 3 di april cu Corsow y Boneiro, mientras cu pa Aruba esaki lo ta dia 1 di mei, e vice minister Venezolano pa Europa, Franklin Ramirez, a señala.
A traves di su cuenta oficial di Twitter, e funcionario a informa cu e reunion tecnico constructivo cu autoridadnan nautico di e islanan aki, cu a tuma luga cu e meta pa tur pais ta completamente prepara pa e reapertura di e fronteranan maritimo, den cual nan a alcansa e obhetivonan plantia.
“Nos ta cada dia mas cerca di e reapertura gradual di transito maritimo cu e islanan di Caribe Hulandes,” Ramirez a agrega ariba e red social, unda cu el a comparti imagennan di e encuentro, realisa di manera virtual.
Dia 25 di februari ultimo, e minister di Relacionnan Exterior Venezolano, Yvan Gil, a confirma e reconexion cu e islanan aki, despues cu nan a finalisa e negociacionnan cu Hulanda.
E frontera entre Venezuela y e islanan den Caribe Hulandes ta mantene restriccionnan desde februari di 2019 despues cu e lider opositor Juan Guaido a purba ingresa den teritorio Venezolano e ayudo humanitario cu tabata acumula na Brasil y Colombia y e islanan di Corsow, Boneiro y Aruba.
