(LaPatilla) – Coordinador nacional di Formacion di partido politico opositor Voluntad Popular, Cristofer Correia, a manifesta cu e postura di su organisacion ta cu tur Venezolano na cualkier parti di mundo mester por participa na eleccion primario pa elegi candidato opositor pa eleccion presidencial na 2024.
“Nos ta trahando duro pa tur Venezolano por vota desde cualkier lugar, ademas ta fundamental cu e proceso di eleccion aki por ser teni den promer trimester di 2023,” el a expresa den un entrevista realiza na Venevision.
“Tur factor adverso na Psuv (partido oficialista) mester uni nan mes. Lo ta un alternativa pa pone nos di acuerdo pero no ta lo mas democratico, ta p’esey un eleccion primario den cual tur e forzanan ta participa, esey lo ta un scenario ideal (…). E luna aki nos mester elegi un junta rector pa e proceso di primaria cu ta promove e evento aki y cu mester ta conforma pa persona cu ta garantiza cu e sufragio ta transparente,” el a considera.
El a recorda cu recientemente Voluntad Popular a culmina e proceso di renobacion di autoridad loke ta yuda continua fortaleciendo e structura di activista di e partido politico importante.
“E proceso aki a duna nos un panorama positivo y interesante, nos tin awor anto 6.000 dirigente recientemente religitima pa sali na caya pa toca curazon y recorda cu VP ta comprometi cu superacion di pobreza, y cu nos ta plural y democratico”, segun Correia.
Pa e dirigente politico, construi un Mihor Venezuela ta pasa a traves di restablece democracia, elegi e candidato presidencial den primaria y paralelamente mester tin un “proyecto pais”. “Nos mester por bisa hende cu aki tin un proyecto, aki tin un propuesta pa e pais.”
