Siete funcionario di alto rango Venezolano lo por enfrenta sancion di Union Europeo desde proximo siman, incluyendo e poderoso presidente di Corte Supremo, asina diplomaticonan a bisa, mientras e bloke Europeo ta purba presiona presidente Nicolás Maduro pa resolve e crisis politico.
E prohibicion di biahe y e congelamento di activo, cu e representantenan di UE lo aproba awe, lo sigui e sancionnan imponi aña pasa pa Merca y ta marca un postura mas firme di e paisnan Europeo cu a busca un solucion sin yega na medida punitivo.
“Gobierno Venezolano a aplasta oposicion y ta culpable di abuso di derecho humano, anto nos ta kere cu ta bira tempo pa manda un mensahe mas fuerte,” un diplomatico Europeo involucra den e discusionnan a bisa.
Señala como dictadura pa Francia y Estadonan Uni, gobierno di Maduro tambe ta acusa pa hopi pais di lastra Venezuela den direccion di autoritarismo y ruina un economia cu ainda ta conta cu e reservanan mas grandi di petroleo na mundo.
Dos diplomatico Europeo a bisa cu e probable sancionadonan lo ta funcionario di alto rango encarga cu forsanan di seguridad, acusa di abuso en general, particularmente durante e protestanan antigubernamental di aña pasa.
E lista di persona sanciona por cambia, e diplomaticonan a bisa, pero actualmente ta inclui e hefe di Distrito Capital na Caracas, Antonio José Benavides Torres; ministro di Interior, Néstor Riverol; e director nacional di Inteligencia, Gustavo González López y e presidente di Tribunal Supremo di Husticia, Maikel Moreno.
Sin embargo, contrario na Merca y Canada, Union Europeo no ta pretende sanciona e propio Maduro, buscando na su lugar presiona su entorno, pero permitiendo su persona e opcion di biaha na cualkier conversacion futuro.
Si e representantenan di e 28 paisnan di Union Europeo yega na un acuerdo pa e sancionnan, probablemente nan lo ser imponi algun momento di e siman entrante, e diplomaticonan a afirma.
