2.971 caso a presenta entre 2015 y aña pasa, y na cual autoridadnan ta sigui suma mas, na e punto cu awe Colombia ta ocupa e di dos luga cu e cifra mayor di homicidio di menor di edad, despues cu Venezuela, segun e ultimo informe di e ONG Save the Children.
Aunke e datonan cu e ONG ta recoge pa haci e ranking mundial aki, cu ta midi 176 pais, ta di 2016 pa motibo cu tin paisnan cu no tin dato actual, e luga di Colombia ta splica den e medida cu ta tuma na cuenta den e cifra di aña 2000 te 2016, segun Luz Alcira Granada, director di Incidencia Politico, un organisacion sin fin di lucro presenta na mas di 120 pais.
Segun e informe ‘Construyendo una vida meor con la niñez’ di e ONG, e cifra di Colombia “ta hopi halto”: Binti di cada 100.000 menor di edad ta asesina. Manera Granada ta splica, “e cifra a alcansa y a supera e 1.000 homicidio den algun di e añanan aki”.
E rango di edad den cual e cantidad mayor di homicidio ta presenta ta entre 15 y 18 aña, segun Medicina Legal, Di e rango di edad aki, a registra entre januari y april di 2019 174 di e 213 caso, sin embargo, tin 17 asesinato di menor entre 0 y 4 aña. Es decir, nan ta asesina e muchanan poco tempo despues cu nan a nace.
Gloria Carvalho, secretario ehecutivo di Alianza para la Niñez, den termino general ta splica cu e cifranan ey ta pa via cu ‘nos ta un sociedad violento cu a crece cu modelo violento, tanto na famia como den sociedad’.
