(ElNacional) – Gobierno di Venezuela a informa diabierna di e preparativonan na un waf di e isla de Margarita na unda proximo diamars, dia 3 di januari, e crucero Amadea lo yega e isla, e prome crucero procedente di Europa den 15 aña cu ta yega e pais, den cual ta biaha alrededor di 500 turista.
“Cu alegria y compromiso, e ekipo di Bolivariana de Puertos ta suprevisa e obra- y trabounan pa ricibi na e Puerto Internacional El Guamache casi 500 turista Europeo cu lo bishita ilsa de Margarita cu e yegada di e crucero Amadea,” e empresa estatal di wafnan maritimo a informa ariba Twitter.
E Amadea ta un barco crucero Aleman cu lo hiba te na e isla Venezolano Margarita, e destino turistico di excelencia na e pais, biaheronan procedente di Spaña, Alemania, Belgica, Francia y Italia, e Minister di Turismo, Ali Padron, a informa den luna di augustus.
“Nos ta kibra e papel di e medidanan restrictivo unilateral cu a impedi durante hopi aña e yegada di cruceronan for di Europa,” Padron a bisa e tempo ey.
A pesar di e salidanan extenso pa e lama Caribe, e wafnan di Venezuela a baha di manera drastico nan movemento como resultado di e crisis economico y politico cu e pais ta pasando aden, situacion cu a bira pio despues di e sancionnan imponi pa Merca desde 2017.
