(ElNacional) – Venezuela lo stop di haci testnan di COVID-19 na airportnan dia 31 di december. Di e manera aki e personanan cu drenta e pais no mester paga pa e test aki cu ta obligatorio desde 2020, e presidente di e Instituto Nacional de Aeronautica Civil (INAC), Juan Teixeria, a informa.
“A partir di dia 31 di december di e aña aki, e protocol di bioseguridad pa COVID-19 lo elimina e test di PCR cu nos tabata haci na e airportnan na tur e pasaheronan cu tabata drenta e pais”, e funcionario a anuncia den declaracionnan na e canal estatal VTV.
El a considera cu e medida aki ta un bon noticia pa e sector areo. Cu esaki lo kita e cobransa di impuesto ariba ticketnan internacional cu destino pa Venezuela cu mester a paga 60 dollar riba e prijs di cada pasashi cu tabata pa e pago di e test cu ta wordo realisa ora nan yega e pais.
“Teniendo ticketnan mas barata ta haci Venezuela mas atractivo como destino turistico el a subraya”, el a subraya.
Na maart di 2020, Venezuela a suspende tur e vuelonan internacional debi na e pandemia. Un medida cu e gobierno a cuminsa flexibilisa na final di e aña aki cu algun frecuencia permiti bao controlnan estricto.
E conectividad aereo di e pais a duplica na 2022 compara cu aña pasa. E autoridadnan ta premira cu esaki lo sigui crece, specialmente despues di retoma frecuencianan cu destinonan tradicional manera Colombia y Spaña.
