(ElNacional) – E Plan I Respuesta a Refugiado- y Migrantenan Venezolano na Peru a pidi na comunidad internacional reuni 304 miyon dollar pa complementa e asistencia di e Gobierno Peruano na alrededor 900 mil refugiado y migrantenan Venezolano na 2022.
Peru a ricibi 1,29 miyon di refugiado- y migrantenan Venezolano y actualmente tin mas di 530 mil solicitud, locual ta converti Peru den e segundo pais di destino di ciudadanonan di e nacion ey Suramericano.
No obstante, mas di 70% di e refugiado- y migrantenan Venezolano na Peru a reduci e cantidad, frecuencia y calidad di nan alimentonan y e desnutricion grave di e muchanan a subi di 3% pa 5.4%, compara cu aña pasa, segun e Analisis Conhunto di Necesidadnan.
E analisis aki a wordo elabora entre juli y augustus di e aña pa e Grupo di Trabou pa Refugiado- y Migrantenan, co-lidera pa e Agencia di e Nacionnan Uni oa Refugiadonan y e organisacion Internacional pa e Migracionnan.
Pa motibo di e pandemia di COVID-19, 60% di e 350 entrevistadonan pa e analisis a señala e falta di documentonan y regularisacion di e documentonan manera e obstaculo principal pa accede na e Sistema Integral di Salud.
Na mesun momento, 70% tambe a bisa cu nan mester a cambia di vivienda cu frecuencia den e lunanan anterior, pa motibo cu su situacion ta expone nan na e instabilidad di vivienda.
E fondonan solicita lo wordo dirgi na garantisa e asistencia humanitario y mehora e acceso na informacion, brinda alternativanan di regularisacion y provee acceso na medionan di bida y oportunidadnan di trabou decente, un comunicado di Acnur y OIM a indica.
“E pandemia ta sigui impacta e bida di e personanan refugia y mirgantenan di Venezuela. Nos ta ricibi preocupacionnan constantemente ariba e limitacionnan pa por alimenta nan mes mas di un biaha pa dia, e dificultadnan cu nan ta enfrenta pa avansa den e proceso di regularisacion y documentacion pa tin acceso na nan derechonan fundamental y servicionan basico di prome necesidad”, e representante di Acnur, Federico Agusti, a declara.
