(ElNacional) – Venezuela ta ocupa e prome luga cu e cifra mas halto di embaraso hubenil na Latino America, Suzany Gonzalez Zambrano, directora di e Centro di Estudio di Derechonan Sexual y Reproductivo, a adverti.

“Venezuela tin un cifra di embaraso hubenil di 97.7 pa cada 1000 muhe hoben. Esey ta un cifra di entre 15 y 17 aña pasobra e ta edad cu mas nos ta tene na cuenta di embaraso hubenil; nos no ta tuma na cuenta ni sikiera embaraso den mucha, cu ta hopi grave pasobra nos ta enfrentando situacionnan di abuso infantil,” Gonzalez a bisa na Union Radio.

El a indica cu e promedio di e cifra na Latino America ta di 60 pa cada 1000 muhe, door di cual Venezuela ta na prome luga den e region. El a manifesta cu ta trata di un situacion critico y compleho cu ta poniendo na riesgo e bida y futuro di e mucha- y hobennan na e pais.

“Semper e ta u fenomeno muticasual. Hopi biaha algun politica na otro parti di mundo a dedica mas na e control di nacemento y entrega di metodonan anticonceptivo y no ta transfroma e cifranan ey pasobra nan tin elementonan profundamente cultural,” el expresa.

“Na Venezuela, por su puesto, nos no ta scapa di esey. Nos ta bay bisa: elementonan cultural asocia cu e mandato social di maternidad, cu ta kere cu bo ta muhe solamente si bo ta mama; den e crisis di e hubentud, no ta cu nan no ta planifica, pero den diep nan ta desea di bira mama y tin mas riesgo pa loke ta trata esaki,” el a agrega.

E directora di Cedesex a destaca, sinembargo, cu den e contexto di e crisis grave cu e pais ta biba for di 2015 a bira pio e falta di acceso na educacion integral di sexualidad pa mucha muhe, mucha homber y hobennan, como tambe a ausencia di acceso na metodonan anticonceptivo y di prevencion di infeccionnan di transmision sexual.

El a papaia ademas di e ausencia di e servicio di salud sexual den e sistema nacional di salud publico, loke a aumenta e nivel y factornan di riesgo. “Y otro elementonan sociologico y psicologico, unda nos ta wak e crisis di balornan, di amor y di cariño, nan ta termina hayando den maternidad e fuente di afecto ey cu nan tin falta di dje.”

“Lamentablemente den e sistema di salud publico no a priorisa e salud sexual y reproductivo mas leu di e salud materno, pasobra ta parce cu nos muhernan ta importante nada mas den e medida cu nos ta na estado. Pero pa preveni embaraso no desea, tin menos recurso den e politicanan,” el a critica.

El a menciona estudionan di organisacionnan y algun data cu a revela e Fondo di Poblacion di Nacionnan Uni cu ta señala cu e escasez di metodonan anticonceptivo den e sistema di salud publico ta yega 90%.

“Tin hopi tiki acceso y e ta afecta mas cu tur cos e hende muhe cu no tin recurso, esnan mas vulnerable, pero mas cu tur cos e hobennan. Pasobra awendia na e boticanan si berdad por accede un gran number di metodonan anticonceptivo, e berdad ta cu nan no ta accesible pa un gran parti di muhe.”