(CuraçaoChronicle) – Venezuela a mira un aumento substancial den exportacion pa e islanan di Corsou, Aruba y Boneiro durante 2024.
Esaki a sali na cla segun rapport di e vice presidente di Camara di Comercio di Venezuela, specialmente na e ciudad di La Vela de Coro, E data aki ta revela un aumento remarcabel di 31.55 porciento den exportacion compara cu e aña anterior.
Den aña 2024, un exportacion total di e waf di Colina, localisa na e estado di Falcon, a yega na 3,427 ton. Di e total aki, 68.77 porciento tabata dirigi na Corsou, cu un total di 2,357 ton. Aruba a ricibi 31.22 porciento di e exportacion, cual ta 1,070 ton.
Juan Gotopo, e vice presidente di Camara di Comercio, a expresa optimismo tocante e crecemento di e mercado den futuro. Pa 202, Venezuela ta anticipa un aumento di 24 porciento den exportacion for di La Vela na e islanan den Caribe di e Reino Hulandes.
E moda di aumento aki ta refleha lasonan economico mas fuerte cu su bisiñanan di Caribe Hulandes, cu crecemento den demanda di productonan Venezolano den e region.
