(ElNacional) – Venezuela ta sigui ocupa e ultimo luganan di diferente ranking cu ta evalua e calidad di servicio di internet na paisnan di Latino America y mundo. Segun e rapport nobo di empresa Indice Global Speedtest, e conexion di internet di Venezuela tin un velocidad pober den e servicio.
Pa e rason aki, den nan rapport di 2023, Venezuela ta ocupa e luga 136 di 138 pais cu ta aparece riba lista den e categoria cu pio servicio mobil. Den e categoria di servicio fiho e la keda den e ultimo luganan ocupando e posicion 138 di 179 pais den total.
Contrario, e paisnan cu ta ocupa e prome luganan di e ranking cu e miho servicio mobil y servicio fiho ta Qatar, Emiratonan Arabe, Noruega y Chile na Latino America.
Den su rapport di november di 2022, Speedtest.ne a señala tambe cu e servicio di internet Venezolano a keda ubica entre e ultimonan di mundo.
Den nan midimento di desempeño, Venezuela a ocupa e ultimo luganan. Specificamente, den loke ta trata e servicio di telefon mobil, el a coy e puesto 136 ariba nivel mundial, cu solamente 5.58 mega pa seconde. Den e lista aki tin solamente riba dje Afghanistan, Haiti y Cuba. Tur e paisnan ey ta conoci pa nan nivelnan di pobresa of ambiente di guera, den e caso di Afghanistan.
Di su banda, si nos ta papia di e midimento di e broadband di Venezuela, e ranking ta cay mas ainda, ubicando su mes na luga 140. Solamente seis pais Africano y di Medio Oriente, unda tin gueranan interno, ta supera Venezuela.
