(AP) — Gobierno Venezolano diasabra a libera algun di e miles di persona kende a keda deteni durante y despues di protestanan mortal cu a sigui eleccion presidencial na juli. E resultadonan disputa a haci cu oficialnan, incluyendo presidente Nicolas Maduro, a ricibi critica internacional.
E individuonan a bandona prison un dia despues cu e procurador general, leal na e partido gobernante, a anuncia e revision di 225 caso vincula na e momentonan despues di eleccion, cual Maduro y candidato di oposicion Edmundo Gonzalez ambos ta bisa cu a gana.
Reunionnan yen di lagrima a tuma lugar pafo di prison na varios ciudad.
NGOs basa na Venezuela, Forum Penal y Observatorio di Prison Venezolano a anuncia e liberacionnan riba X. Forum Penal a confirma e liberacion di al menos 70 persona, mientras e ultimo a bisa cu gobierno a libera e individuonan bao cierto condicion, cu no a splica mas detaya.
Miembronan di forsanan arma a escolta esnan libera for di prison bao un brug di peaton den ciudad nort di Venezuela, Tocuyito. Algun detenido a hinca rudia y hisa nan brasa despues di baha e trapi. Dos detenido a yuda un di tres cu no por a cana riba su mes y despues a collapse den brasa di un familiar mientras nan tabata yora.
Imagennan comparti riba rednan social pa Observatorio di Prison Venezolano a mustra muhenan na yoramento brasando nan sernan keri pafo di otro pais Sur Americano. E organisacion a describi e liberacionnan como un “victoria” y a exigi pa tur cu ta keda detenido pa nan rol den eleccion y actividadnan su tras keda den libertad.
Gobierno di Marudo a ricibi critica pisa pa e falta di transparencia den eleccion y e represion desata despues, incluyendo aresto di lidernan politico, abogado, trahadornan di urna, boluntarionan di eleccion y manifestante, ambos menor di edad y adulto.
E manifestacionnan a cuminsa despues cu autoridadnan electoral Venezolano a declara Maduro como ganador di eleccion dia 28 di juli y a alega cu no por publica resultadonan na nivel di precinto pasobra a hack nan website. Na mes momento, coalicion principal den oposicion a anuncia cu a sigura actanan di votacion di mas di 80 porciento di e mashinnan di votacion usa na e pais, a publica nan online y a declara cu su candidato, Gonzalez, a derota Maduro pisa.
E total di persona aresta pa gobierno a inclui alrededor di 2,200 persona. Oficialnan di gobierno, incluyendo procurador general Tarek William Saab, fuertemente a defende e detencionnan, pero siman pasa, Maduro a haci un yamado pa Saab y huesnan sigura “husticia” den caso cu “mester rectifica y revisa” un caso.
Na september, expertonan independiente di derechonan humano di ONU a emiti un rapport acusando gobierno Venezolano di intensifica e uso di su hermentnan “mas pisa y violento” pa represion despues di e eleccion disputa na juli. E rapport, comisiona pa e Conseho di Derechonan Humano cu sosten di ONU, a denuncia violacionnan di derecho, incluyendo detencion arbitrario, tortura y violencia sexual y basa riba genero na man di forsanan di seguridad di e pais cu, “tuma den su totalidad, ta constitui e crimen contra humanidad di persecucion a base politico.”
Varios pais, incluyendo aliadonan di Venezuela, a haci un yamado pa Maduro y su gobierno libera di prison e hendenan deteni arbitrariamente y pa publica resultadonan detaya di eleccion.
