(LaPatilla) – E aña aki, Paraguay, Guatemala, Ecuador y Argentina tabatin of ta bay tin eleccionnan proximamente. Segun e rapport “La recesion democratica de America Latina”, publica pa Latinobarometro e aña aki, e satisfaccion di e democracia na Latino America a alcansa un cifra minimo historico di 24% na 2018 pa subi minimalmente na 28% den 2023.

Segun informacion di Statista, El Salvador, goberna pa e presidente polemico Nayib Bukele, ken ta busca un reeleccion cuestionable den 2024, ta e pais den e region cu ta registra e satisfaccion mas grandi cu democracia (64%), cu mas di e dobel di e promedio regional (28%). Despues ta sigui Uruguay (59%) y Costa Rica (43%).

Di otro banda, e paisnan unda ta existi e nivelnan mas abao di satisfaccion cu democracia ta Venezuela cu 14%, Ecuador, cu ta bayendo pa un segundo buelta polemico despues di e convocatorio di eleccion anticipa pa e presidente Guillermo Lasso, cu 13% y e campeon di instabilidad politico den e region, Peru cu 9%.

Segun Latinobarometro, El Salvador, un pais unda cu a viola e derechonan humano di e personanan cera y di e detenidonan di las Maras, ta lagando di ta un democracia y ta transformando den un populismo autocratico, aunke e nivelnan di aprobacion (91%, esun mas grandi den e region) di su presidente Nayib Bukele, ta excesivo.

E organisacion ta considera cu e apoyo aki ta wordo refleha y manera cualkier otro metodo, ta mustra valido pa combati delincuencia.

Segun e rapport Latino America nunca tabatin democracianan instala na tur e paisnan di un manera simultaneo, p’esey, e recesion democratico detaya no ta referi na e dictaduranan ey si no mas bien na e caida y vulnerabilidad na cual e paisnan den e region a yega despues di un decada di deterioracion continuo y sistematico di e democracia, cu ta wordo splica den parti pa e nivelnan di corupcion.

Latinobarometro ta splica cu e recesion ta wordo expresa den e apoyo abao cu e democracia tin, e aumento di indiferencia na e tipo di regimen, e preferencia y actitudnan na fabor di e autoritarismo, e caida di e desempeño di e gobiernonan y di e imagen di e partidonan politico.

Pa loke ta autoritarismo, e estudio ta sigura cu e porcentahe di encuestadonan cu ta prefera un gobierno autoritario a aumenta entre 2020 y 2023 na tur e paisnan, menos na Panama.

Relaciona cu e partidonan, e aña aki a puntra pa prome biaha na e encuestadonan si e partidonan politico ta funciona bon: e 77% di e Latino Americanonan no ta di acuerdo, compara cu solamente e 21% cu si ta di acuerdo, cu e afirmacion aki.