Tabata apenas dos dia pasa cu President Nicolas Maduro di Venezuela a anuncia cu lo cera frontera entre e pais Bolivariano y Colombia. Segun President Maduro, e motibo di haci esaki ta pa minimalisa e contrabando cu lo por tin di e biyetenan di 100 bolivar.
Awe un biaha mas President Maduro ta anuncia cu lo cera frontera un bes mas y e biaha aki ta cu Brazil cu kende e ta comparti un frontera di mas cu 2000 kilometer. Minister di Relacionnan Exterior sr. Itamaraty di embahada Brazilero situa na Caracas, a ricibi un nota verbal, informandonan cu e frontera entre e dos paisnan bisiña ta keda cera pa un periodo di 72 ora.
Mientras tanto na Venezuela tin un chaos total pa motibo cu tur persona tin oportunidad te cu mañan diahuebs dia 15 di December pa cambia nan biyete di 100 bolivar na banconan local. Sinembargo desde dialuna diferente comerciantenan a pone aviso cu nan no ta acepta biyete di 100 bolivar mas. Varios ta e Venezolanonan local cu tambe a comenta cu lo tin problema pa haci transferencianan grandi di un cuenta pa otro aya na Venezuela.
