(ElNacional) – Participacion den eleccion primaria opositor programa pa diadomingo 22 di october ta calcula cu por alcansa por lo menos 1.5 miyon di persona, segun a comenta Feliz Seijas, director di compania di encuesta Delphos.
Durante un entrevista cu periodista Vanessa Davies, den su programa “Por donde vamos” di Union Radio, e experto a destaca e crecemento significativo di Maria Corina Machado.
El a indica cu e candidata di Vente Venezuela ta sigui den posicion manera e candidato principal faborito pa gana eleccion primaria.
“Nos ta papiando di 48% di apoyo y e candidato cu tabata su tras mas cerca, cu tabata Capriles, tabata na 6%-7%. Entre e grupo cu ta sigur cu ta bay eleccion primaria, e cifra ta amplia na 70%-74% cu lo vota pa Maria Corina Machado,” Seijas a agrega.
Di mesun manera, el a señala cu e rango di participacion den eleccion primaria lo por fluctua entre 1.5 y 2.9 miyon persona, locual ta considera un cantidad significativo teniendo na cuenta e magnitud di e acontecimento crucial aki pa oposicion Venezolano.
Den eleccion primaria opositor, 10 aspirante lo enfrenta, 10 aspirante cu ta spera pa wordo eligi pa representa e oposicion den eleccion presidencial di 2024.
