(AP) — Alrededor di un cuarta parti di e personanan deteni na Venezuela durante e disturbio civil despues di eleccion presidencial na juli a ricibi orden di libertad for di prison, segun e fiscal principal di e pais a anuncia ayera.
Procurador General Tarek William Saab a bisa den un declaracion riba Instagram cu un revision di casonan vincula na e disturbionan a resutla den 533 “medida busca” pa libertad na su oficina y “acorda” pa e sistema hudicial. No tabata inmediatamente cla cuanto di e ordennan aki a ser ehecuta.
Presidente Nicolas Maduro a duna orden pa e revision memey di presion aumentando for di comunidad internacional pa e campaña di represion cu su gobierno a lansa despues di eleccion, incluyendo aresto di mas di 2mil adulto y menor.
Partido gobernante na Venezuela, cu ta controla tur aspecto di gobierno, a reforsa e accion contra disidencia despues cu e y oposicion ambos a declara victoria den e voto dia 28 di juli, generando protesta amplio. Al menos 24 persona a muri den e demostracionnan, y un vigilante di derechonan humano a implica forsanan di seguridad estatal den algun di e mortonan.
Merca, Union Europeo y hasta algun gobierno iskierdista ta America Latino a exigi pa Conseho Nacional Electoral Venezolano presenta registronan detaya di e voto, manera a haci den pasado, pa refuta e actanan presenta pa oponentenan di Maduro mustrando nan candidato, Edmundo Gonzalez, ganando pa un margen di dos-pa-uno.
Merca, Union Europeo y otro paisnan a reconoce Gonzalez como ganador di eleccion. Pero e ex-diplomatico a bandona Venezuela pa exilio na Spaña na september despues cu oficina di Saab a emiti un orden pa su aresto en conexion cu publicacion online di e actanan di votacion.
