(ElNacional) – Opositor Maria Gabriela Hernandez a afirma diadomingo cu e Estado di Venezuela ta despoblando e pais di su matanan.
“Estado mester percura pa repobla di mata e parkenan, Abraes (Areas bajo Regimen de Administracion Especial) y ciudadnan, pa contribui cu e control di kentamento global, proteha e damnan y zonanan acuatico. E no ta hacie, nan ta kitando tur e matanan na Venezuela y cu esey nan lo saca nos fuente di awa”, el a indica ariba Twitter.
E diputada eligi na 2015 a señala cu e di cinco obhetivo di e plan di gobierno, enfoca ariba cuido di medio ambiente, no ta bal nada pa nan.
“E dictadura ta devasta, anikila y degrada bida na Venezuela den tur forma. Estado mester sigura e proteccion di e bosquenan, pero su funcionarionan no tin un telefon of vehiculo pa impedi e destruccion of candela”, el a agrega.
Dia 23 di februari e ONG Venezolano SOSOrinoco a alerta cu for di 2015, e dañonan na miedo ambiente a intensifica pa motibo di e mineria na e Parke Nacional Canaima, un patrimonio di humanidad di Unesco cu ta cas di e cascada mas halto na mundo, Salto del Angel.
E ONG a señala cu for di 2000 e parke tabata perde un promedio di 1.483 hectar pa aña, pero a indica cu for di 2015 e cifra aki a alcansa 3.600 hectar pa aña.
“E ultimo cinco añanan aki, e bosque a perde dos biaha mas lihe cu den e 15 añanan prome. e mineria den e Parke Nacional Canaima a expande 8.4 biaha desde aña 2000 pa 80 hectar pa aña”, e organisacion a indica.
