(LaPatilla) – E tuberia di e hospital San Cristobal ta un biaha mas yen di sushi. E causa ta e falta di trucknan cu lo por saca e restonan solido. Asina Fe y Alegria Noticias a señala.
Tambe tin hopi djaca, musca y holonan repugnante for di e piso uno te cu e piso ocho, locual ta afecta tambe e personal medico, di enfermeria, pashentnan y nan familiarnan, ken ta reclama e autoridadnan e retiro di e saconan di e sitio.
E secretaria ehecutivo di e sindicato di salud di e estado Tachira, Maria Ramirez, a denuncia cu e problema ta mustra di no tin fin, ya cu e ta reporta cu ta un situacion cu ta bin ta registra for di dos aña caba.
Segun el a declara nan ta conta cu solamente un vehiculo pa e proposito ey pero “ora cu nan devolve di Corposalud e no ta ni dura 15 dia”. El a lamenta tambe e tiki interes cu tin di parti di e direccion di e hospital di San Cristobal pa solventa e problema aki,
Otro Yamada na e directiva di e centro di salud a wordo haci pa Jose Carrero, trahado di e hospital, pa cu hopi urgencia nan resolve e problema di e sushi acumula den e tuberianan, cu ademas ta contene restonan biologico.
