(ElNacional) – Gerardo Blyde, hefe di delegacion di Plataforma Unitaria pa e negociacion, a splica diaranson cu e prome acuerdo parcial firma diamars na Barbados ta contempla un ruta pa lanta e inhabilitacionnan politico, cu e proceso di eleccion presidencial di 2024 yegando cerca.
Den un entrevista cu Roman Lozinksy pa Circuito Exitos, Blyde a señala cu e punto 11 di e di tres acuerdo ta establece un ruta pa den igualdad di condicionnan, cu rapidez y principionan constitucional, promove e participacion y autorisacion di tur e candidatonan presidencial y partidonan politico, semper cu nan cumpli cu e rekisitonan pa participa den eleccion presidencial.
El a indica cu e rekisitonan ta esnan cu ta estableci den Constitucion di e Republica, caminda ta specifica cu no por tin inhabilitacionnan administrativo pa e ehercicio di funcionnan publico pasobra e derecho di scoge ta superior y cu solamente por inhabilita un persona pa participa den eventonan electoral cu un sentencia penal definitivo.
E tambe abogado constitucionalista a aclaria cu nan no ta habilitando di manera automatico, pero ta habriendo e ruta pa por realisa esaki. Y e mester ta un ruta rapido.
“Nos no a cera na un solo tipo di procedemento pa e proceso di habilitacion di cualkier Venezolano, na momento cu laga habri un buraco e por ta un procedemento hudicial, di revision di Contraloria of incluso di ofishi. Nos no tabatin esey. Aworaki e ta firma dilanti e comunidad internacional,” el a manifesta.
Blyde a bisa cu e prome punto di e acuerdo tambe ta señala cu e partinan ta reconoce e derecho cu cada actor politico tin di selecciona su candidato pa eleccion presidencial, di manera liber y segun nan mecanismonan interno. “Es decir, e primaria ta protegi pasobra cualkier accion contra e proceso lo ta violando e acuerdo,” el a sigura.
E hefe di e delegacion di e Plataforma Unitaria den e proceso di negociacion cu gobierno di Nicolas Maduro a señala cu aunke e acuerdo no ta specifica cu certesa cu tin presonan politico, cu nan ta comete tortura y violacionnan di e derechonan humano, e ta contempla si un mecanismo pa garantisa e derechonan humano.
“No ta bay tin un parti cu lo firma un especie di confesion, esey ta un rendicion. Sinembargo, ta existi un mecanismo, cu no ta publico pero cu ta wordo menciona den e acuerdo di un manera cla, mediante cual ta busca garantisa e derechonan humano. Den e transicion- y negociacionnan no tin rendicion, ni di un banda ni di e otro,” el a bisa.
Teniendo na cuenta e punto ey, el a afirma cu ta bay libera e presonan politico t di un manera progresivo ora cu e acuerdonan ta wordo cumpli.
“No tin un dia cu nos no ta pone e presonan politico den e discusion. Ta bay cuminsa soluciona e tema ey exigiendo pa e porta cu ta keda bira no existi,” el a agrega.
