E accionnan (shares) di Rosneft na Bolsa di Moscu ta sigui cay. Tur cos a cuminsa siman pasa diabierna ora na Rusia a bin reaccion riba e declaracion di asesor di Seguridad Nacional di Donald Trump, Robert O’Brien, afirmando cu lo por tin sancion contra e empresa petrolero pa su negoshi cu regimen di Nicolas Maduro, segun e medio digital Alnavio.
Estadonan Uni ta den serio cu nan ofensiva contra Nicolas Maduro. Tanto den serio cu nan ta menasa di sanciona Rosneft, e empresa estatal Ruso ‘den e proximo 30 dia’.
E advertencianan di Washington no a pasa sin cu e inversionistanan Ruso a ripara. E accion di Rosneft na Bolsa di Moscu a cay abruptamente cu 6,2% diabierna. Esey ta su caida mas grandi desde april 2018. Ayera leu di recupera, el a continua cayendo cu 3%.
Rosneft ta un empresa clave pa sobrevivencia di Maduro. Rosneft hunto cu Pdvsa ta opera varios yacimento importante di petroleo manera Petromonagas, Boqueron, Petrojunin y Petrovictoria. Tambe Rosneft ta e principal cargador di crudo Venezolano pa China y India. Ademas ta suministra gasolin na Venezuela a cambio di crudo. Venezuela tabata debe Rosneft mas di 6,5 biyon dollar na prestamo, di cual a resta ainda como 800 miyon dollar.
Pa tur esaki Estadonan Uni a pone Rosneft dentro di su strategia di ‘presion maximo’ contra e regimen.
O’ Brien: “Nos ta laga e Rusonan y nan compania sa cu e apoyo na regimen di Maduro no ta un bon decision comercial. Pero tambe e ta inmoral pa loke nan ta haciendo cu pueblo di Venezuela. Mi ta kere cu nan lo mira algun accion ya sea voluntariamente di e compania o di Estadonan Uni probablemente den un futuro cercano.”
