Venezuela ta e di nuebe pais cu mas reserva di awa dushi na mundo, despues di Brasil, Rusia, Canada, China, Indonesia, Estadonan Uni, Bangladesh y India. Den su 916.445 km² di teritorio nacional ta core cerca di mil riu y tin importante reserva di awa subteraneo cu ta facilita un cantidad di recurso di awa aprobechable, calcula na 93 miyon metro cubico pa aña.
A pesar di esey, mayoria di Venezolano no tin acceso na suministro normal di awa y ademas e calidad ta cuestionable. Sin embargo, dispone di awa , suficiente y limpi, ta un derecho humano. Mester por conta cu un suministro continuo di awa pa por garantisa otro derecho manera salud y alimentacion. Organisacion Mundial di Salud (OMS) a indica cu mester di 50 litro di awa pa persona pa dia, pa garantisa satisfaccion di necesidadnan basico y mantene un nivel razonable di riesgo di salud publico.
Den un encuesta di Comitenan Popular di Derecho Humano y Provea durante luna di augustus y september na varios parroquia di municipio Libertador y Sucre di Gran Caracas, 68,13% di e personanan consulta a bisa cu nan no ta conta cu awa potable via tuberia di forma constante.
Encuanto e calidad di awa, si acaso nan haya, segun 87,26% di e personanan entrevista a bisa cu e awa tin un color entre geel y maron, loke ta consecuencia di e falta di e material cu gobierno mester pa purifica awa.
47,52% di e personanan entrevista na Sucre y Libertador, a afirmacu algun familiar a sufri enfermedad relaciona cu e calidad di awa cu nan ta haya. Den mayoria di caso ta trata di problema di cutis (34,78%) y diarea (32,92%).
