E cifranan di e ataquenan di regimen di Nicolas Maduro riba prensa, periodista y libertad di informacion na Venezuela, ta sigui aumenta. E informe di Instituto Prensa y Sociedad (IPYS) a destaca cu na e pais aki “a conta 374 incidente acumulando636 violacion di e garantianan di informacion, entre januari y december 2020.

Ora Alto Comisionado di Derecho Humano, Michelle Bachelet, den su mas reciente informa oral a revela cu su oficina a documenta den ultimo seis luna “al menos 66 caso di intimidacion, acoso, inhabilitacion y criminalizacion di periodista, medio di comunicacion, defensor di derecho humano, trahador humanitario, lider sindical y miembro o partidario di oposicion, incluyendo miembro electodi e Asamblea Nacional di 2015 y nan famia,” e conclusion ta asustante, pasobra mayoria di e casonan contra periodista, por ehemplo, no ta yega na e oficina di Bachelet na Venezuela.

Instituto Prensa y Sociedad (IPYS) ta destaca, den su mas reciente informe “El Virus de la Censura”, cu na Venezuela “a conta 374 incidente cu a acumula 636 violacion di garantianan informativo, den un periodo cu nan ta describi como “un fiebre di represion contra libertad di expresion y acceso na informacion publico na e pais.”

“E curva di caso di vulneracion tabata leu di baha y e atropeyonan a afecta 325 persona, di cual 194 tabata reportero. Emergencia di salud causa pa Covid-19 a complica mas ainda e situacion pa e trahadornan di informacion, pa e restriccionnan imponi pa poder ehecutivo.” IPYS ta considera cu “violencia, detencion arbitrario, limitacion di acceso na informacion y e procesonan hudicial a ser usa cu forza, y emecanismonan di control y opresion ehecuta pa autoridadnan estatal contra periodista, medio di comunicacion y ciudadano, tabata e patronnan di silenciamento cu mas a debilita libertad di expresion y informacion na Venezuela na aña 2020”.

IPYS Venezuela a registra na 2020, 338 violacion pa incidentecontra integridad fisico di periodista y medio, principalmente 115 hecho di intimidacion, 33 agresion fisico, 27 menaza di agresions, 26 ataques contra equipo di trabao, y 9 pa ciere o suspension di medio di comunicacion.