(ElNacional) – Red Sindical Venezolano a convoca diadomingo un protesta pa diamars, 15 di februari, dilanti e hospitalnan di 14 di e 23 estadonan di e pais “pa e dignidad, bida y famia”.
“Ya caba 14 estado a uni na nos proximo convocatorio, nos invitacion ta extende na cada trahado di e pais, e intencion ta pa sigui agrega boluntad”, asina e coordinador di Monitor Salud, Mauro Zambrano, a skirbi ariba su cuenta di Twitter.
Pesey el a pidi e manifestantenan cu pa dia 15 di februari nan portesta “pa e dignidad, bida y famia”.
Dia 13 di januari ultimo, Monitor Salud a denuncia cu na 2021, tabatin mas di 600 menasa y presion contra di trahadonan sanitario pa nan renuncia nan puestonan di trabou na Venezuela door cu nan a denuncia locual ta pasa na e centronan medico, specialmente door di COVID-19.
Di su banda, e Federacion Medico di Venezuela a denuncia na december di aña pasa cu e hospitalnan publico di e pais ta enfrenta un ciere tecnico debi na e falta di medicamento, material y e deterioracion di e instalacionnan di e centronan sanitario.
