(ElNacional) – Bril, dos remote y headphones di realidad virtual ta sirbi pa transmiti e horror di tortura, den apenas 20 minuut por recorre un camber di e centro di detencion y tortua Venezolano Helicoide, scucha testimonio y wak cu bo porpio wowo e condicionnan inhumano den cual e presonan ta biba.

Den un iniciativa di e asociacion Voces de la Memoria cu ta denuncia cu na Venezuela tin awendia alrededor di 300 preso politico deteni den centronan di tortura y cu solamente e area metropolitano di Caracas tin por lo menos 17 centro clandestino unda cu ta tuma luga e practicanan aki.

Victor Navarro, fundador di e asociacion y victima durante cinco luna di tortura den e centro aki, a presenta na e medionan Spaño e iniciativa aki di realidad virtual yama Realidad Helicoide cu e kier hiba na organismonan, forum di Derechonan Humano y universidadnan,

“Nos kier bay e Asamblea General di ONU y e Parlamento Europeo, unda cu ta tuma decisionnan pasobra esaki ta un denuncia, pero tambe na universidadnan pasobra esaki ta memoria y e memoria ta bibo pasobra e ta sigui pasa,” el a denuncia den un presentacion di e proyecto na medionan na Madrid.

Asina, e persona cu sumergi su mes den e experiencia virtual por scucha e testimonio di 30 persona cu a pasa den e centro, pero tambe por mira e metodonan di tortura fisico usa na e luga, segun e denunciantenan, of un grito desespera di un victima di descarga electrico.

Navarro, refugia awendia na Argentina, a splica cu pa motibonan di seguridad ainda nan no por publica e material riba un website, pero cu nan lo hiba e experiencia aki, crea danki na e testimonio di 30 persona cu a pasa den e totrua aki, na tur luga cu tin cu por bay denuncia cu e presidente Nicolas Maduro ta tortura.

E recuerdonan di 30 persona cu a pasa door di e centro comercial bieu aki converti den un luga di tortua a yuda reconstrui dos parti di e Helicoide, e Preventivo y e bañito, e ultimo aki un baño di un paar di vierkante meter cu ta ser usa manera cel di isolacion y for du unda por scucha e gritonan di e personanan cu ta wordo tortura.

Den e recreacion por mira un aglomeracion di curpanan den espacionan scur, duchanan unda e presonanan ta laba nan mes cu e awa di e wc pasobra e presion no ta suficiente, ta mustra con nan ta warda nan excremento pa e no hole pasobra nan no ta bentanan afo pa diasnan largo of con e kalalanan ta djis campa ey nan.

Pa duna luga na e escenarionan di e version aki digital di e centro, e Venezolano a splica, e 30 personanan aki a ricibi acompañamento psicologico pero nan tabatin cla cu nan tabata kier participa y aunke hopi ta sigui biba na Venezuela, haciele di forma habri, cu nan nomber y fam, pasobra e silencio ta mas duro ainda.

Navarro tin cla cu aunke elimina e recuerdonan ta produci ansiedad y dolor, e ta necesario denuncia loke awendia ainda ta pasa na Venezuela.

“E gobiernonan mester rechasa e tortura, ningun gobierno democratico mester lubida cu Maduro ta trotura, sea e ta pa gas of pa petroleo, e ta un mensahe pa e gobiernonan di e Union Europeo y Merca,” el a bisa den referencia na e suavisacion reciente di sancionnan di e administracion di e presidente Mericano Joe Biden door di e necesidad di hydrocarbs door di e guera na Ucrania.

“E derechonan humano no por wordo subestima, nan no tin color politico, ni por ser cambia pa recursonan, esun cu pensa diferente na Venezuela e por ta victima di tortura, no por sinta negosha cu Maduro te ora cu no cera e centronan,” el a termina.