(ElNacional) – Produccion di alimento na Venezuela a aumenta 5.34% aña pasa compara cu aña 2021 y a supera e 18 miyon di ton, tanto di producto di origen vegetal como di origen animal. Asina Ministerio de Agricultura Producto y Tierra, Wilmar Castro Soteldo, a bisa.
A traves di su cuenta di Twitter, e funcionario a informa cu na 2022, e produccion a alcansa 18.33 miyon di ton, compara cu 2021 cu a cera cu 17.40 miyon.
Di e total produci aña pasa 72% (13.17 miyon di ton) ta di origen vegetal. Y e resto, 28% (5.16 miyon di ton) di origen animal, Castro Soltedo a detaya.
El a señala cu aña pasa e pais a alcansa un produccion di alimento di 92%, un crecemento di 3 punto compara cu 89% di 2021, locual ta contesta e esfuerso di e sector priva, di e campesinonan, como tambe di politicanan implementa pa Nicolas Maduro.
Segun e Banco Central di Venezuela (BCV), e actividad agricola a crece 4.84% entre januari y september di 2022 compara cu e mesun periodo di 2021.
Un dato subraya pa Castro Soteldo den su rapport, den cual el a ratifica cu e resultadonan aki ta debi na e politicanan di e Ehecutivo y e productornan di e campo.
