(ElNacional) – Jesus Maria Casal, presidente di e Comision Nacional de Primaria, a afirma cu nan ta den e margennan estableci pa e proceso di dia 22 di october.

Asina e hunta directiva di e organismo a afirma den un reunion cu e 24 presidentenan di e huntanan regional. Casal a mustra su satisfaccion di e avancenan di e schedule pa dia 22 di october, fecha di e eleccion primaria.

“Nos ta kedando den e margennan cu a wordo fiha pa cada etapa di e schedule y tur cos ta sigui avansa dentro di e previsionnan pa haci e primaria dia 22 di october,” Casal a bisa.

Segun e reunion di trabao di e Comision y e Ekipo Tecnico Asesor, cu e 24 huntanan regional, a cumpli cu varios obhetivo: alinea e logistica y e comunicacion ariba e proceso, desaroya e criteria pa e seleccion di e boluntarionan electoral y duna e revision final na e mesa central pa dia 22 di october, a reforsa mecanismonan di recaudacion y a acorda diferente liñanan di comunicacion cu ta ratifica e naturalesa di e primaria manera ehercicio di derechonan y a presenta e lista di centronan di votacion pa estado, municipio y parokia.

Venezuela ta na caminda pa un eleccion primaria crucial cu lo defini dia 22 di october e candidato presidencial di oposicion. Esaki ta un carera cu ta definitivo pa e futuro politico di e nacion.

Specialistanan ta afirma cu e pais ta lantando for di su insensibilidad electoral, ainda cu mas duda cu certeza.

E buskeda pa e aspirante presidencial opositor ta avansa den medida cu ta aclarando ken ta e aspirantenan faborito.

Tambe di cual ta e obstaculonan cu mester supera. Ta existi un cantidad multiple di menasa cu ta impedi haci proyeccionnan ariba e resultado di e eleccion.

Asina e analistanan politico Luis Vicenete Leon y Griselda Colina ta kere. Consulta pa EFE, nan a coincidi den cu e oposicion, mas dividi cu nunca, mester unifica.

Tambe cu e mester papia cu e berdad cu e Venezolanonan pa capitalisa e descontento despues di añanan di crisis.

Nan ta recomenda haci crece e animo di e dianan recien, ora cu a bolbe wak asambleanan anti chavista ariba e cayanan di e pais.