Reserva di gasolin na Venezuela lo por keda agota den un luna, asina representantenan di e trahadornan di Petroleos de Venezuela (Pdvsa) a bisa diahuebs, cu a aclifica e situacion di desabastecimento di combustible como “sumamente grave”.
“Aki tin gasolin pa un luna,” Luis Hernandez, director di Frente di Trahadornan Petrolero di Monagas a bisa, y a añadi cu “ta bay tin desabastecimento total”.
Durante un manifestacion di varios sindicato na Caracas, Hernandez a opina cu e situacion di gasolin ta sumamente grave y cuen especial, esaki ta afecta 16 estado cue ta “critico”, entre nan Tachira, Merida, Portuguesa y Bolivar.
Den ultimo lunanan e escasez di gasolin a extende gradualmente den e ciudadnan di interior di e pais, en particular e estadonan na frontera, loke a conduci na racionamento progrma den algun region pa benta di combustible.
“Ta existi na e momento aki un discriminacion, cu pa Caracas si tin gasolin y den interior tin 16 estado, unda si tin e debacle ey,” Hernandez a denuncia.
Expertonan a alerta cu e escasez lo bira mas grave, ya cu Pdvsa tin dificultad pa recuperae extraccion dicrudo y ademas su refinerianan ta trahando hoip badi nan capacidad instala.
Pa Hernandez, otro elemento pa considera pa splica e escasez di gasolin ta e falta di divisa y falta di aditivo pa gasolin.
“Casi tur e seis refinerianan cu e pais tin, ta totalmente paralisa, ta e Compleho Refinador di Paraguana ta trahando na 10 % di capacidad,” e representante di e trahadornan a bisa, ken a añadi cu “no tin manera di pone nan funciona, pasobra pa esey lo mester haci henter un transformacion.”
Encuanto gasoline importa, slucion cu Gobierno a implementa pa atender e demanda di combustibel, Hernandez a bisa di tin duda riba e calidad di e producto cu ta hayando for di Rusia. Ademas a adverti cu e aditivonan cu actualmente ta hincando den e hidrocarburonan “no ta esunnan corespondiente” pa e variedadnan di 91 y 95 octano, pa loke ta pone den riesgo e usuario y nan vehiculonan.
