(LaPatilla) – Un rapport recien presenta pa Transparencia Venezuela a revela oficialmente otro cara di e corupcion cu a ser trama den Petroleos de Venezuela S.A. (PDVSA), e empresa principal di e pais.
E rapport ta inclui un analisis extensivo di e origen di e caso y ta inclui, den colaboracion cu e experto Ecoanalitica, calculacionnan actualisa di e fondonan publico, cu ta ubica na 16.600 miyon di dollar e cifra comprometi. E cantidad ta multiplica mas di cinco biaha e tres mil miyon dollar menciona pa diferente fuente, y ta supera e calculacionnan di investigacionnan periodistico independiente.
Segun e analisis presenta “fuentenan consulta internamente di e industria pa Ecoanalitica ta confirma cu 13% di e fluho nan ey ta potencialmente incobrabel, alrededor di 3.600 miyon, ya cu e intermediarionan a bandona e pais sin paga delanta por lo menos un parti di e balor di e cargamentonan, a pesar cu nan a acepta anteriormente e condicionnan ey.”
Ademas, e rapport ta calcula cu “aproximadamente otro 13 mil miyon di dollar ta riba cuentanan cu mester cobra ainda. Representando cerca di 47% die ingreso petrolero di PDVSA entre e prome trimetser di 2021 y e prome trimester di 2023.”
Esaki ta implica cu cerca di 60% di e fluho petrolero ta keda sin ser paga, alrededor di 16.600 miyon di dollar, y cu durante e tres añanan ey di e 27.650 miyon dollar spera, a ricibi solamente 11.050 miyon den e arcanan di e Estado.
Otro di e datosnan cu e rapport ta mustra ta demsotra e magnitud di e malversacion di e cuentanan publico cu por wak un aumento trimestral di e fluho petrolero na 150% pasando di menos di mil miyon di dollar cobra durante e prome trimester di aña pa mas di cuater mil miyon di dollar durante e ultimo trimesternan, locual lo genera ingreso pa PDVSA pa orden di e 12.500 miyon den e aña, e dobbel di e seis mil miyon den 2022.
Aunke nan mester tabata mas di 15 mil miyon di dollar sin e trama, a pesar cu e prijs di e petroleo Venezolano tabatin un caida promedio di 33% den un aña.
E recursonan miyonario ta ser rekeri cu urgencia pa atende cu tur e necesidadnan cu e Venezolanonan ta sufri den actualidad, producto di tanto aña di abonodo y negligencia.
Un poblacion cu ta entre 80% y 90% den pobresa, cu un necesidad di atencion den ayudo humanitario di mas di 11 miyon di Venezolano. Cu un escasez di gasolin cu frecuentemente ta paralisa ciudadnan y e transport di alimentonan. Cu blackouts di oras y oras cu ta paralisa e actividad den hospitalnan, centronan educativo y di produccion.
Un realidad cu ta supone cu 32% di e economia Venezolano a ser horta, asumiendo cu e Producto Interno Bruto (PIB) di Venezuela na aña 2022 tabata di por lo menos 50 mil miyon di dollar.
