Parlamento Venezolano diasabra ultimo a aproba extension di un aña di su funcionnan y esunnan di lider opositor Juan Guaido como hefe di Legislativo y presidente interino di e pais, cargonan reconoci pa mita centenar di pais.
“Lo eherce e continuidad constitucional (…) te cu realisa eleccionnan presidencial y parlamentario liber na aña 2021, un hecho politico sobrevenido y excepcional tuma luga na 2021, of hasta pa un periodo parlamentario anual adicional cuminsando dia 5 di januari 2021”, e texto promulga pa e Camara ta bisa.
E continuidad aki lo ser eherci pa Asamblea Nacional (AN; Parlamento), di mayoria opositor cu a ser eligi na 2015 y pa Guaido, cu a hura como mandatario interino na januari 2019 frente e usurpacion cu e ta considera Nicolas Maduro ta haci di e presidencia.
Den un sesion parlamentario virtual, e diputadonan a acorda pa reforma e ley cu ta regula e statuut di transicion cu meta pa saca Maduro di poder y convoca eleccionnan presidencial, ambos tarea pendiente.
E reforma ta elimina e articulonan relaciona cu e creacion di un Centro di Gobierno provisional, un instancia cu ta encabesa pa e opositor Leopoldo Lopez, lider di partido Voluntad Popular (VP) ken ta biba na Spaña despues di bandona Venezuela a pesar di tin un condena di casi 14 aña di prison.
Ademas, e texto ta rechasa e eleccionnan legislativo celebra dia 6 di december ultimo, den cual no a participa e lidernan tradicional di e oposicion ya cu nan a considera e eleccionnan fraudulento, cual chavismo a gana memey di un absencion halto y cuestionamento internacional pa cu su transparencia.
E statuut nobo ta establece tambe cu e AN lo funciona a traves di e Comision Delegada, un instancia contempla den e Constitucion pa opera durante e recesonan di Parlamento, cu funcionnan limita y integra pa menos di 20 porciento di e Pleno.
