Venezuela ta e pais na mundo unda parlamentario ta sufri mas violacion di derecho humano, cu 102 abuso registra, segun e clasificacion anula publica pa Union Interparlamentario (UIP).
Colombia, cu 22 presunto caso, a ocupa e di siete lugar riba e lista, mientras Yemen ta ocupa di dos puesto (71 violacion), Turkia ta na tercer (58) y Cambodya na di cuatro (57), di acuerdo cu e institucion antiguo (1889), cu ta aglutina tur cuerpo legislativo di mundo.
E lista cu ta acumulativo – pasobra ta considera tambe e casonan di añanan anterior cu no ta cera – a inclui 111 denuncia nobo a lo largo di e aña aki, den mayoria procedente di Venezuela y Yemen, segun UIP a splica den su comunicado.
E organisacion a recoge y ta trata di investiga actualmente un total di 533 presunto abuso cometi contra parlamentario na 40 pais, e segundo cantidad mas halto registra pa e institucion.
E denuncianan ta bin specialmente di paisnan “den crisis politico, unda gobierno ta eherce un presion abusivo riba parlamentario di oposicion,” e comunicado ta señala. Presidente di e comite di derecho humano di UIP, Aleksandra Jerkov, a resalta cu mayoria di abuso sufri pa parlamentario tin nan origen den presion procedente di estado.
Tal presion “no ta solamente un abuso contra democracia, sino tambe un signo di debilidad,” el a señala, haciendo un yamamento pa e diferente gobiernonan permiti parlamentario haci nan trabao sin temor pa represalia.”
UIP a recorda den e sentido ey cu a propone na varios ocasion un mision di verificacion di e denuncianan di parlamentario Venezolano desde comienso di e crisis politico, pero cu a rechasa tur e propuestanan ey.
