Fiscalia Venezolano bao mando di Chavismo a dicta orden di aresto contra Andres Yrigoyen, ken a ser designa como presidente di Citgo, filial Mericano di Pdvsa, paa presidente encarga di Venezuela, Juan Guaido.
“Dia 11 di januari a solicita orden di detencion y medidanan di aseguramento (…) contra e ciudadanonan Jose Ramon Pocaterra Esparza, designa ilegalmente miembro di e hunta directivo di Citgo, y Andres Felipe Yrigoyen Luna, designa ilegalmente como presidente di hunta directivo di Citgo”, segun a sigura Tarek William Saab den un declaracion.
Ambos nombramento a ser haci despues cu e periodo di Asamblea Nacional presidi pa Guaido segun e fiscal chavista a ‘caduca’, cu a ser scogi na 2015 cu mayoria cla, y cu ta busca di wordo reempleasa pa regimen di Maduro bao excuus di un eleccion fraudulento realisa na december 2020.
Saab, ken no ta reconoce e continuidad di Guaido, a subraya cu e designacionnan antiguo ‘ta carece di cualkier legitimidad of poder di decision’, pa loke a considera ‘ilegal e irrita’ e designacion di Yrigoyen y Pocaterra como miembronan di hunta directivo di Citgo.
Ambos ta ‘imputa pa delitonan di conspiracion, usurpacion di funcionnan publico, legitimacion di capital, asociacion y obstruccion di husticia”, el a splica.
