(ElNacional) – E Organisacion di Nacionnan Uni (ONU) a atende por lo menos 7.100 respuesta tocante e ayudo humanitario entrega na Venezuela durante 2022. Esaki a pasa mediante un mecanismo nobo cu ta busca pa scucha e bosnan di e beneficiarionan, segun datonan di e organismo internacional.
E reaccionnan di e comunidadnan tabata dirigi pa medio di e Liña di Contacto, un plataforma telefonico gestiona pa varios agencia di ONU, entre nan, e Oficina di Coordinacion di Asuntonan Humanitario (OCHA) y e Fondo di ONU pa Infancia (Unicef).
Ta trata di comentario-, keho- y sugerencianan expresa di manera boluntario, algun bao anonimato, cual ta wordo apunta pa e personal di ONU. Nan a reporta den 2022 un tendencia den direccion di gradicimento y sugerencia, sin aclaria si tabatin un cantidad di keho y di ki tipo.
E usuarionan di e Liña di Contato ta yama pa solicita mas informacion tocante e actividadnan humanitario cu ta wordo desaroya na e pais. Ademas di pa aclaria dudanan ariba e forma cu nan ta desaroya e actividadnan, e rapport di e organismo ta bisa.
“E personanan por alerta ariba comportacion inapropia di e trahadonan humanitario.” P’esey ONU ta spera cu e beneficiarionan haci uso di e mecanismo confidencial y sigur. Specialmente, ora cu produci accionnan cu lo por genera daño den e comunidadnan.
Te cu aworaki, e organismo ta insisti, e Liña di Contacto a sirbi tambe pa resolve algun solicitud di ayudo humanitario, principalmente den temanan manera proteccion den casonan di violencia di genero te na tratamento pa personanan cu HIV.
Alrededor di 2.8 miyon di persona a ricibi den 2022 algun tipo di ayudo na Venezuela, locual ta representa e 53.8% di e meta poni pa ONU, di 5.2 miyon, den su plan pa aña pasa.
