Presidente de facto di Venezuela, Nicolas Maduro, a sigura diadomingo pasa cu un vacuna Chines pa Covid-19 lo ta disponible pronto pa prueba di fase 3, loke lo bay tuma lugar cu participacin di miles di voluntario.
Cuatro vacuna di China ta actualmente den ensayo di fase 3, di prueba riba humano, entre un total di nuebe na mundo. Sin embargo, un di e cinconan restante ta forma parti di un consorcio forma pa e compania Chines Fosun Pharma, e empresa Aleman Biontech y esun Mericano Pfizer. E cuatronan totalmente Chines ta di Sinovac, Sinopharm, Instituto di Producto Biologico di Wuhan y esun di Cansino Biologics, cu a bay den uso den ehercito Chines na fin di juni.
Maduro no a duna mas detaye cual di e vacunanan Chines contra Covid-19 lo ta yega Venezuela, mustrando si un speranza cu lo tin un vacuna riba mercado pa di dos trimester di 2021. El a sigura cu e ta garantisa e vacuna pa tur Venezolano y cu esaki lo ta totalmente gratis.
Venezuela a ricibi dia 2 di october un promer lote di 2.000 dosis di e vacuna Ruso contra e virus, yama Sputnik V, cu ta sirbi pa e pais participa den e prueba di fase 3 di e vacuna.
Na mitar di augustus Rusia cuminza produci su promer vacuna, yama Sputnik V. Esaki a haya un recepcion un poco friu den ambito internacional ta ha sido debi na e velocidad di e pruebanan y e poco informacion tocante e medicamento.
Maduro no a desea di duna un perspectiva bayendo pa fin di aña si lo tin u flexibilisacion den e actual regimen di cuarentena, di siete dia di cuarentena estricto, sigui pa siete dia di flexibilisacion relativo.
