(ElNacional) – Venezuela a ocupa e ultimo luga den e ranking di paisnan cu ta lucha contra corupcion den e rapport nobo di Council Of The Americas. Den esaki ta evalua e gestion di e lucha contra corupcion realisa na 15 pais di e region.
Pa obtene e resultado aki, Venezuela a mustra un mehoracion chikito danki na e rol di comunicacion- y rednan social. “E creciente diversidad y sofisticacion di e medionan di comunicacion digital cu ta sigui denuncia e corupcion di Estado”, e organisacion a indica.
Den e lista ta sigui Bolivia, cu su gobierno ta wordo señala pa e uso di husticia pa motibonan politico. Den materia positivo e pais aki a refleha avancenan chikito den categoria manera capacidad legal y sociedad civil y medionan di comunicacion.
Guatemala, Mexico y Paraguay ta ocupa e di tres cuater y di cinco luga riba e lista respectivamente. Na mesun momento, Guatemala, Mexico, Brasil y Argentina ta e paisnan di ranking cu a mustra mas regresion den e materia di lucha contra corupcion.
Di tur e paisnan evalua, Uruguay a lidera e lista cu un reduccion di su puntuacion global. E factornan cu ta influi pa esey ta nan institucionnan independiente, nan sociedad civil activo y nan credencialnan democratico solido.
Manera parti di e conclusionnan di e rapport ta destaca cu e lucha contra corupcion no ta un prioridad pa e gobiernonan di Latino America.
