Miles di Venezolano a yega Peru a pesar di e medidanan contra migrante sin pasaporte o visa pa para e yegada masal di persona, hopi di esnan cu falta documento necesario ta purba logra cu presentacion di solicitud di asilo.
E collapse economico di Venezuela bao di usurpacion di Nicolas Maduro di poder a causa e crisis migratorio mas grandi di historia reciente di America Latino, obligando otro pais manera Peru, un nacion di 32 miyon habitante, pa lidia cu un aumento sin precedente di inmigrante.
Baoreglanan imponi desde diasabra pasa, migrante mester tin pasaporte y visa prome cu nan yega Peru, cerando porta pa hopi Venezolano cu no por paga e tipo di documento aki.
Sin embargo, e solicitantenan di asilo no ta obliga di tin pasaporte a base di derecho internacional, loke ta duna e Venezolanonan di poco recurso financiero un manera pa scapa di e cambionan den reglanan di inmigracion Peruano.
Un record di 4.700 solicitud di asilo a keda presenta diabierna pasa na Peru, un parti di e mas di 8.000 Venezolano cu a drenta e pais e dia ey, segun agencia di refugiado di Nacionnan Uni, ACNUR.
Nacionnan Uni ta calcula cu 4 miyon refugiado y migrante Venezolano a huy di violencia politico y di escasez general di alimento y medicamento basico na nan pais.
Segun cifra di gobierno di Peru, e pais a ricibi como 800.000 migrante Venezolano, e segundo pais cu mas emigrante despues di Colombia, cu ta atendiendo mas di 1,2 miyon persona.
