E informe mas reciente emiti pa Alto Comsionado di Nacionnan Uni pa Refugiado (Acnur) a sigura cu mes 341.000 Venezolano a solicita asilo den diferente pais na mundo, mas tanto den America Latino y region di Caribe. Peru, Brasil, Estadonan Uni, Spaña y Ecuador ta e paisnan principal cu a ricibi mas solicitud di asilo di Venezolano na 2018.
Na fin di 2018 mas di 3 miyon Venezolano a bandona nan hogar, considera e exodo mas den historia reciente di e region aki, y un di e crisisnan mas grandi na mundo.
E informe ta señala cu mas di 460.000 Venezolano a busca asilo, incluyendo cerca di 350.000 solamente na 2018. Pero e solicitudnan den e region tin tardansa grandi y te na e fecha aki solamente 21.000 Venezolano a keda reconoci como refugiado. Ademas, na 2018, e paisnan Latinoamericano a concede cerca di un miyon permiso di residencia y otro forma di permanencia legal na Venezolano, loke ta duna nan acceso na algun servicio publico basico.
Ta agrega cu “cu un promedio constante di 5.000 persona bandonando Venezuela diariamente, ta calcula cu pa fin di 2019 por ta cu 5 miyon persona lo a bandona e pais. Miles di nan ta crusa diariamente frontera cu Colombia, mientras otronan ta bay Brasil, Chile, Ecuador o Peru, y otronan ta haci biaha riesgoso cu lancha rumbo pa e islanan den Caribe.”
