(ElNacional) – Gobierno di Venezuela a sigura diasabra cu for di aña 2018, 26.947 Venezolano di diferente pais a regresa Venezuela cu “Plan Vuleta a la Patria”, despues di e regreso di 99 ciudadano for di Ecuador durante e fin di siman.
“E emocion di bolbe back cas. Venezuela ta ricibi 99 ciudadano cu ta bin for di Ecuador den un buelo di ‘Plan Vuelta a la Patria’. Ya caba ta 154 buelo cu a trece back casi 27 mil ciudadano”, e Ministerio di Asuntonan Exterior a indica ariba nan cuenta di Twitter. Igualmente e organismo a detaya cu e plan, cu a wordo crea na 2018, a realisa 154 buelo y traslado maritimo for di 19 diferente pais.
“E balans te cu e fecha di awe ta conta cu 26.947 ciudadano cu a bin Venezuela back for di 19 pais, convirtiendo e plan den e strategia di su tipo cu e alcance mas grandi na mundo implementa pa un gobierno”, el a señala.
E Ministerio di Asuntonan Exterior a indica cu for di Ecuador 5.273 Venezolano a yega Venezuela back, ocupando e tercer luga cu e number mas halto di ciudadanonan cu regresa.
Brasil ta ocupa e prome luga cu 7.285 Venezolano y Peru ta na segundo luga cu 6.590 Venezolano. Segun datonan oficial, na Ecuador tin alrededor di 450 mil migrante Venezolano ta biba, un parti di cual a drenta programanan di regularisacion entre 2019 y 2020. Sinembargo, e mayoria no tin ainda e documentacion rekeri pa e autoridadnan, locual ta haci nan inclusion den sociedad mas dificil.
Nicolas Maduro a priminti luna pasa, dia 7 di october, cu el lo refrosa e plan, Esaki cu e obhetivo cu “tur e Venezolanonan cu kier regeresa for di Chile, Peru, Ecuador, Colombia” por haci esaki.
