(ElNacional) – Nicolas Maduro a demostra su speransa pa habri un dialogo “directo, balente, sincero y di comprendemento” cu e gobierno di Merca.
“Ohala, ken sa pa ki tempo y cu ken, por habri e posibilidadnan di un dialogo directo, balente, sincero y di comprendemento cu e gobierno di Merca. Ohala e por ta cu e gobierno di Joe Biden. Si e pasa, hopi bon, y si e no pasa, nos lo sigui cu nos lucha”, Maduro a bisa den un entrevista cu e canal multi-estatal Telesur.
No obstante, el a considera cu no tin ningun señal di mehoracion cu e yegada di Joe Biden na e Cas Blanco. Esaki tocante e mandato di e presidente anterior, Donald Trump, relaciona cu e sancionnan aplica pa e pais Caribense.
Maduro a splica cu el a acudi na e dialogonan cu e oposicion cu a cuminsa na Mexico dia 13 di augustus 2021, cu a keda suspendi despues di e extradicion di e empresario Colombiano Alex Saab pa Merca na october. Esaki considerando cu e tabata implica dialogo tambe cu e pais Norte Americano.
“Nos a bay cu e comprendemento cu na momento cu nos sinta papia cu e oposicion extremista di Guaido, nos lo sinta papia cu e gobierno di Merca, den decalaracionnan publico, asina nan a duna di conoce”, el a subraya.
Esaki el a cualifica manera un cuchiu den lomba pa stroba y desvia e negociacionnan di e exreadicion di Saab, considera manera su complice espia, pa Merca pa wordo husga pa labamento di placa.
Finalmente, e gobernante Venezolano a bisa cu lo mester tin cambionan grandi den e asunto cu tin di haber cu e detencion di Saab, cual e ta cualifica manera un “secuestro”, pa por retoma e dialogonan na Mexico.
