(ElNacional) – Nicolas Maduro a ricibi diaranson ultimo un delegacion multidisciplinario di Brazil, cu e meta di establece, un biaha mas, e intercambio di espacionan di dialogo entre ambos nacion, cu a resumi nan relacionnan den luna di januari ultimo, despues di cuater aña di suspension.
E delegacion, cu a yega Caracas diaranson mainta, a wordo ricibi pa e mandatario, ken a destaca cu nan a traha riba un agenda di desaroyo diverso pa e beneficio di ambos pais, cu ta comparti frontera.
“Mi a ricibi e ekipo di e Agencia Brasilero di Cooperacion pa traha riba un agenda di desaroyo diverso cu ta beneficia nos pueblonan y cu ta fortalece e respet pa nos teritorionan natural,” Maduro a bisa despues ariba Twitter.
E ekipo di prensa di e Presidencia a informa, den un comunicado, cu e delegacion Brasilero, cu a bishita e palacio di Miralfores, sede di e gobierno, tabata lidera pa e director di e Agencia Brasilero di Cooperacion, Ruy Pereira y e persona encarga cu negoshi di e Embahada di Brazil na Caracas, Flavio Helmold Macieira.
Pa Venezuela tabata presente, ademas di Nicolas Maduro, e minister Yvan Gil, e vice minister pa Latino America, Rander Peña y e parlamentario chavista Nicolas Maduro Guerra.
E relacionnan entre Venezuela y Brazil, suspendi desde 2019, a resumi cu e regreso di Luis Inacio Lula da Silva na e Presidencia di e pais Sur Americano, cual el a asumi dia 1 di januari.
For di e momento ey, funcionarionan di e dos nacionnan a celebra diferente encuentro cu e obhetivo di reconstrui e cooperacion bilateral.
Recientemente e minister Venezolano y embahador pa e Cambio Climatico di Brazil, Luis Alberto Figueiredo, a evalua e cooperacion pa proteccion di e Amazonia, durante un reunion na Caracas.
Diamars ultimo, Gil a sostene un combersacion via telefon cu su colega minister di Brazil Mauro Vieira, den cual nan a evalua e avancenan di e reestablecemento di e relacionnan bilateral.
