Presidente di Venezuela Nicolas Maduro a anuncia awe den cadena nacional cu e ta declara persona non grata e encargado di Negoshi di Estadonan Uni na Venezuela, Todd Robinson. E ta dun’e 48 ora pa bandona e pais.
Tambe Maduro a repudia e sancionnan di gobierno Mericano emiti dialuna pasa, a traves di un orden ehecutivo y a denucia ‘e conspiracion militar, economico y politico’ cu e encargado di negoshi di e embahada di Merca na Caracas lo tabata ehecuta.
Maduro a sigura cu e sancionnan promovi pa e derecha politico contra Venezuela, lo ta ofende e dignidad nacional, y ta ocasiona daño na e pais.
Maduro a autorisa e vice-presidente, Tareck El Aissami, pa presenta prueba di un conspiracion militar di parti di Merca contra su persona y contra e pais. El a alega tambe cu embahada di Merca lo a viola ley internacional cu e actuacion di Todd Robinson.
(CNN Español/lapatilla.com)
